主頁 >

列印此頁




運動員見證

高志超
運動項目:足球
效力球隊:澎馬流浪
位置:守門員
身高:1.77米
體重:83公斤
信主年日:2000年

可能由於我讀的幼稚園及小學都係基督教學校,所以細細個就己經時時聽聖經故事,對主耶穌的生平事蹟都略知一二。回頭想想,真係要為此感恩,因為從細到大,雖未信主,但己曉得祈禱,遇到任何困難或不如意的事,我都會即刻向神祈禱。奇怪係每次都好似有幫助,而且心中都無咁驚慌,所以我認定係神的保守。只可惜當時我只會祈求,唔曉得向神感恩!

奇妙的是,我由一個從來都唔鍾意踢波到忽然間愛上足球,而且重加入甲組成為職業球員;後來又成為代表隊參加國際賽,所走的路都係平坦,無乜阻滯,我感到這一切都係有神的祝福。到去年,球隊教練安尼頓(編按:來自巴西)和金判坤(編按:來自韓國)向我談論信仰,講我聽點解要信耶穌,基督徒應有的責任。安尼頓帶我返教會崇拜,佢又同我一齊睇聖經,分享自己的信仰經歷,最終我都正式決志成為基督徒,定期參加「體育事工聯盟」的運動員團契。

信主之後,我的信仰就受到考驗,其一是有兩位要好的朋友,以前差不多每天都會一齊食飯,行街同睇戲;但因時間分配唔一樣,講話的內容又無乜味,慢慢就少見面,甚至現在碰到面都好似陌生人一樣。我卻覺得神係要我學習愛心的功課,因聖經咁樣講:「凡事包容,凡事相信,凡事忍耐,愛是永不止息的。」主耶穌亦講過:「要愛你們的仇敵,為那逼迫你們的禱告。」另外,就係每當被侵犯或被粗言穢語的時侯,我即刻就會還擊,但回心一想,主耶穌為我的罪,被打唔還手,而且被釘十架重求天父饒恕釘佢的人。

我信主己有一段時日,雖重未受浸禮,而且自覺唔夠虔誠,但信後就立志要學主耶穌的榜樣,遵行主耶穌所講的真理。我希望可以改變人認定足球員都係「波牛」的看法。重有,每當我內心覺得唔平安,又或比賽時心情緊張,我都會向神祈禱;有時,因自已犯錯導至球隊輸波,我亦會向神訴苦。無論如何,我這一生都要學曉將重擔交給神,也凡事要神祈替我選擇,這樣,我的生命就必定一切安好。











軟件下載
相關網站
網站指南
聯絡我們